Profil+

Qasımov Süleyman Mehrəli oğlu 1961-ci ildə Gürcüstan Respublikası, Bolnisi rayonunun Faxralı kəndində anadan olmuşdur. 1982-ci ildə Azərbaycan Xalq Təsərrüfatı İnstitutunu (Azərbaycan Dövlət İqtisad Universiteti), 2003-cü ildə Azərbaycan Respublikası Prezidentinin yanında Dövlət İdarəçilik Akademiyasını bitirmişdir. 1982-1991-ci illər ərzində neft-qaz sənayesində müxtəlif vəzifələrdə (mühasib, iqdisadçı, baş mühasibin müavini, baş mühasib) çalışmışdır. 1991-2003-cü illərdə “Azərineft” Neft və Qazçıxarma Baş İdarəsinin “Xəzərdənizneftqaz”, “Dənizdə neft və qazçıxarma” İstehsalat Birliklərinin baş mühasibi vəzifəsində işləmişdir. 2004-2006-cı illərdə Azərbaycan Respublikası Dövlət Neft Şirkətinin Baş Ofisində İqtisadiyyat və Uçot İdarəsinin şöbə rəisi, İdarə rəisinin müavini, İdarə rəisi olmuşdur. 2006-cı ildən Azərbaycan Respublikası Dövlət Neft Şirkətinin iqdisadi məsələlər üzrə vitse-prezidentidir. 2006-cı ildə “Tərəqqi” medalı, 2011-ci ildə “Şöhrət” ordeni ilə təltif edilmişdir. İqtisad elmləri doktorudur, 1 elmi əsər, 15-dən çox elmi məqalə müəllifidir.

Yeni Azərbaycan Partiyasının üzvüdür.