Xəbərlər arxivi

           
                           
                               SOCAR-ın prezidenti Rövnəq Abdullayev Türkiyənin Energetika və Təbii Sərvətlər naziri Fatih Dönməz ilə görüşmüşdürGallery                            
                           
                               
                               
                                   20 Fevral 2019                                                                    

SOCAR-ın prezidenti Rövnəq Abdullayev Türkiyənin Energetika və Təbii Sərvətlər naziri Fatih Dönməz ilə görüşmüşdür

                               
                               

SOCAR-ın prezidenti Rövnəq Abdullayev SOCAR Tower-də Türkiyə Cümhuriyyətinin Energetika və Təbii Sərvətlər naziri Fatih Dönmezin başçılıq etdiyi nümayəndə heyəti ilə görüş keçirmişdir. Görüşdə Cənub Qaz Dəhlizi kimi beynəlxalq əhəmiyyətli bir meqalayihənin gerçəkləşməsində hər iki qardaş ölkənin dövlət başçılarının göstərdiyi qətiyyətli mövqe və siyasi həmrəylik həlledici faktorlar kimi qeyd olunmuş, SOCAR-ın Türkiyədə həyata keçirdiyi bütün əməliyyatlarında ölkə başçıları İlham Əliyev və Recep Tayyip Erdoğanın göstərdiyi diqqət və davamlı dəstək xüsusi vurğulanmışdır. SOCAR-ın Türkiyədə həyata keçirdiyi nəhəng investisiya layihələri müzakirə edilmiş, onların Azərbaycan və Türkiyə arasındakı strateji tərəfdaşlığın inkişafına verdiyi töhfələrlə bağlı fikir mübadiləsi aparılmışdır.

Rəsmi görüş və müzakirədən sonra qonaqlar SOCAR Tower-də ölkəmizin qədim neft tarixini və Ümummilli lideri tərəfindən əsası qoyulmuş yeni neft strategiyasının uğurla reallaşdırılmasını özündə əks etdirən interaktiv neft sərgisi ilə tanış olmuşlar.