ƏN SON XƏBƏR

Upper Head Image

2019-cu ildə büdcəyə və DSMF-yə ödənişlər

SOCAR 2019-cu il ərzində dövlət büdcəsinə 1,62 milyard manat1 ödəmişdir. Şirkətin büdcə ödənişləri əvvəlki ilə nisbətən təqribən 1% artıb.
2019-cu ildə şirkətin büdcəyə ümumi ödənişlərində aşağıdakı vergilər əsas paya malikdir: aksiz vergisi 28%, əlavə dəyər vergisi 18%, mənfəət vergisi 16%, ixrac vergisi 10%, mədən vergisi 8%, gəlir vergisi 5%, əmlak vergisi, torpaq vergisi, yol vergisi, mənbədən vergi də daxil olmaqla digər vergi və ödənişlər ümumi ödənişlərin 15%-ni təşkil edib.

ətraflı oxu TAM XƏBƏR
NewspaperXəbərlər arxivi

SOCAR və SNAM dayanıqlı enerjini təbliğ etmək üçün saziş imzaladılar

Biometan, hidrogen və dayanıqlı nəqliyyat sahəsində əməkdaşlıq perspektivləri, habelə Cənub Qaz Dəhlizi və Trans Adriatik Boru Kəməri (TAP) vasitəsilə bioqazın nəqlinə dair imkanlar araşdırılacaq


Azərbaycan Respublikası Dövlət Neft Şirkəti (SOCAR) və dünyanın qabaqcıl enerji infrastrukturu şirkətlərindən biri olan Snam arasında bərpaolunan qazlar və dayanıqlı enerjidən istifadənin inkişaf etdirilməsi, habelə həmin qazların gələcəkdə Cənub Qaz Dəhlizi və Trans Adriatik Boru Kəməri (TAP) vasitəsilə nəqli üzrə əməkdaşlıq haqqında saziş imzalamışlar. Hər iki şirkət TAP konsorsiumunda 20% paya sahibdir və Cənub Qaz Dəhlizinin ən böyük səhmdarlarındandır.

Saziş Romada Azərbaycan Respublikasının prezidenti İlham Əliyev və İtaliyanın baş naziri Cuzeppe Kontinin iştirakı ilə SOCAR və Snam şirkətlərinin nümayəndələri tərəfindən imzalanmışdır.

TAM XƏBƏR ətraflı oxu

SOCAR və Sumqayıt Texnoloqiyalar Parkının birgə müəssisəsi yaradıldı

Fevralın 19-da SOCAR və Sumqayıt Texnologiyalar Parkı (STP) arasında birgə müəssisənin yaradılmasına dair müqavilə imzalanmışdır.
''SOCAR-STP'' adlanan yeni birgə müəssisə MDB regionunun ən böyük mexaniki avadanlıq emalatxanası və ağır kranlar zavodunu əhatə edən istehsalatı idarə edəcəkdir. SOCAR-ın prezidenti Rövnəq Abdullayevin iştirakı ilə keçirilmiş mərasimdə müqaviləni STP-nin baş direktoru Emin Məmmədov və SOCAR-ın yataqların işlənməsi üzrə vitse-prezidenti Yaşar Lətifov imzalamışlar.

Birgə müssisənin yaradılması Azərbaycanın qlobal brendi olan SOCAR və ölkənin ən iri sənaye komplekslərindən Sumqayıt Texnologiyalar Parkı arasında neft-qaz hasilatı sektorunda maddi-texniki bazanın daha da təkmilləşdirilməsi, mütərəqqi texnologiyaların tətbiqi, texniki xidmət və mütəxəssis mübadiləsinin təminatı üzrə əməkdaşlıq imkanlarının inkişaf etdirilməsi məqsədini daşıyır. Birgə müəssisə beynəlxalq standartlara cavab verən yerli istehsal gücünü artırmağı, MDB miqyasında və hətta daha geniş miqyasda neft-qaz-mədən avadanlıqları və texnologiyalara dair xidmətlər təklif edən aparıcı və rəqabətədavamlı şirkətə çevrilməyi hədəfləyir.

TAM XƏBƏR ətraflı oxu

SOCAR-da ABŞ-ın “Xəzər Siyasət Mərkəzi”-nin məsləhətçilər şurasının üzvləri ilə görüş keçirilmişdir

Fevralın 17-də SOCAR-ın prezidenti Rövnəq Abdullayev şirkətin Baş ofisində ABŞ-ın “Xəzər Siyasət Mərkəzi”-nin məsləhətçilər şurasının üzvlərini qəbul etmişdir.
Qonaqları salamlayan SOCAR-ın prezidenti onların fəaliyyətini yaxından izlədiyini, indiyədək həyata keçirdikləri layihələrin uğurla nəticələndiyini, həmçinin ötən il “Əsrin müqaviləsi: 25 illik uğurlu fəaliyyət” forumuna görə “Xəzər Siyasət Mərkəzi”-nə minnətdarlığını bildirmişdir. SOCAR prezidenti ölkəmizdə həyata keçirilən enerji layihələri haqqında qonaqları ətraflı məlumatlandırmış, gələcəkdə layihələrin uğurla davam etdirilməsi üçün daha geniş əməkdaşlığa böyük önəm verdiyini qeyd etmişdir.

Cənub Qaz Dəhlizi layihəsinin cari ildə yekunlaşacağında söhbət açan R.Abdullayev bu layihənin reallaşdırılmasına start verilərkən bir sıra problemlər yaradıldığını, amma Azərbaycan Respublikasının Prezidenti İlham Əliyev cənablarının iradəsi, BP və SOCAR-ın təşəbbüsü ilə bu layihənin artıq başa çatmaq üzrə olduğunu vurğulamışdır. SOCAR prezidenti qeyd etmişdir ki, bu layihənin genişləndirilməsi üçün “Xəzər Siyasət Mərkəzi”-nin səyləri bizim işimizə təkan verə bilər.

TAM XƏBƏR ətraflı oxu

Azərbaycan Dövlət Neft Şirkətinə baxış

SOCAR-ı kəşf et

Azərbaycan Respublikası Dövlət Neft Şirkəti (SOCAR) Azərbaycan ərazisindəki neft və qaz yataqlarının axtarışı, kəşfiyyatı və işlənməsi, neftin, qazın və qaz kondensatının hasilatı…

ətraflı oxu

Beynəlxalq reytinq

Beynəlxalq aləmdə investorlar və kredit təşkilatları hər hansı bir şirkətlə əməkdaşlıq etmək istədikdə ilk öncə sözü gedən şirkətin beynəlxalq reytinqini nəzərdən keçirirlər

ətraflı oxu