| |
Geofizika və geologiya İdarəsi ilə Latviya
Respublikasının “Morinjgeologiya” SC arasında
bağlanmış müqaviləyə əsasən Kompleks Geoloji
Kəşfiyyat və Topoqrafiya İdarəsi (KGKTİ) avqust
ayı ərzində “Z.Vəliyev” qazma gəmisi ilə Xəzər
dənizinin Rusiya sektorunun Sarmatski sahəsində
466 m mühəndisi-geoloji qazma işləri aparmışdır.
Hazırda Sarmatski sahəsində işlər davam etdirilir.
İlin əvvəlindən Xərə-Zirə, Bulla-dəniz, Babək,
Ağburun-dəniz, Qərbi Abşeron, Neft Daşları, Günəşli,
Dənizkənarı bulvar sahələrində 3172 m mühəndisi-geoloji
qazma işləri, o cümlədən Qoşadaş-Ağburun sahəsində
1230,5 km seysmoakustik profilləmə, 1280 km sonar
planalma, 1089,5 km batimetriya (dərinlik ölçü),
Babək sahəsində 662 km batimetriya və 628 km sonar
planalma işləri aparılmışdır. Qeyd olunan işlər
müxtəlif təşkilatlarla bağlanmış müqavilələr
əsasında Ələt-dəniz, Səngəçal-dəniz, Neft Daşları,
Günəşli, Darvin bankası, Palçıq pilpiləsi və digər
sahələrdə də görülmüşdür. Göstərilən işlər “Z.Vəliyev”,
“Ə.Əmirov” “M.Süleymanov”, “Geofizik-2” və “Orion-7”
gəmillərilə yerinə yetirilmişdir.
Mühəndisi-geoloji işlərin aparılmasında məqsəd
hidrotexniki qurğuların (dəniz stasionar platforması,
üzən qazma qurğusü və s.) quraşdırılacağı sahələrdə
dənizdibi relyefin və eləcə də kəsilişin üst
hissəsini təşkil edən süxurların kompleks şəkildə
öyrənilməsindən və nəticə olaraq hidrotexniki
qurğuların tikilməsi üçün münasib sahələrin
seçilməsindən ibarətdir.
|
|
