|
1
mart 2010-cu il tarixində Geofizika və geologiya
İdarəsində Ümumdünya Mülki Müdafiə gününə həsr
olunmuş iclas keçirilmişdir. İclası idarənin mülki
müdafiə qərargah rəisi Ş.B.Məmmədov açıb, 1 mart
Ümumdünya Mülki Müdafiə gününün tarixindən
danışaraq, 1931-ci ildə fransalı tibb xidməti
generalı Corc Sant- Polun Parisdə “Cenevrə regionu
Assosasiyasını” yaratması , Assosiasiyanın sonradan
Beynəlxalq Mülki Müdafiə Təşkilatı(BMMT)
adlandırılması və təşkilata üzv olan ölkələrin
birinci Baş Məclisinin qərarı ilə 1972-ci il martın
1-də BMMT-nin nizamnaməsinin qəbul edilməsi və
Azərbaycan Respublikasının da 1993-cü ildən
Beynəlxalq Mülki Müdafiə Təşkilatının üzvü olduğu
haqqında məlumat verdi. O, Beynəlxalq Mülki Müdafiə
Təşkilatının rəsmi ad günü sayılan «1 Mart
Ümumdünya Mülki Müdafiə Günü»nün 1995-ci ildən
başlayaraq, hər il konkret bir mövzuya həsr
olunmaqla, bu humanitar təşkilata üzv olan
dövlətlərdə müvafiq kütləvi tədbirlərin təşkil
olunduğunu və bu il tədbirlərin “ Qəzalarda
səhiyyə” mövzusunda keçirildiyini
qeyd etdi.
İclasda İdarənin rəisi
V.A.Abdullayev çıxış edərək, mülki müdafiənin
rolundan geniş danışdı və GGİ-də mülki müdafiə
sahəsində nəzərəcarpacaq dərəcədə irəliləyişlərin
olduğunu xüsusi qeyd etdi. GGİ-nin mülki müdafiə
vasitələri ilə təchiz olunmuş tədris otağının və
GGİ-nin “Nəqliyyat və xüsusi texnika İdarəsi"ndəki
radiasiyaya qarşı daldalanacağın vəziyyətinin
tələblərə uyğun olduğunu vurğuladı. V.A.Abdullayev
gələcəkdə mülki müdafiənin tədrisinə və mülki
müdafiə tədbirlərinə daha ciddi yanaşmağı, İdarənin
struktur bölmələrində tədris otaqlarının təşkili
üçün lazımi tədbirlər görməyi tövsiyyə etdi.
Sonra idarə rəisinin birinci
müavini E.İ.Şirinov çıxış etdi və istehsalat
qəzalarında, təbii fəlakətlərdə, məişət
hadisələrində səhiyyənin , daha doğrusu ilk tibbi
yardımın nə dərəcədə vacib olduğu haqqında geniş
məruzə etdi.
İclasdan sonra “ Qəzalarda
səhiyyə” mövzusunda seminar keçirildi və fərdi mülki
müdafiə, tibbi və dozimetrik vasitələrin istifadəsi əyani olaraq nümayiş etdirildi.
|
